Безнең туган яклар ямьле, Челләсе бар, кырлачы!

Тиздән акрынлап сындыра, алдагы көннәргә синоптиклар -17, -15, -14 градус суыкны фаразлый.

Райондашыбыз Язилә Галләмова кырлачлы, челләле туган ягыбызга мәхәббәтен әлеге шигыре аша белдерә. Нинди генә һава торышы булмасын, иң рәхәте үзебез тувп-үскән якта шул!

КЫРЛАЧЫ, ЧЕЛЛӘЛӘРЕ *

Безнең туган яклар ямьле,

Челләсе бар, кырлачы.

Туган җирне әнкәй сыман

Олыласы, зурласы. 

Ух, ух кырлач салкыннары,

Әх челлә кызулары!

Кырлач дими, челлә дими,

Гомернең узулары... 

Язмыш ташласа читләргә,

Күңелдә — туган яклар,

Кырлачлы да, челләле дә,

Әнкәйле матур чаклар. 

Туар җирне сайлап булмый,

Була яратып кына.

Газиз җир өчен һәрвакыт

Яшик җан атып кына... 

#ЯзиләГалләмова.