Актаныш районындагы дүрт Бөек Ватан сугышы ветеранының берсе Шаһтимер Хәбибуллин арабыздан китте
Татар Ямалысы авылында яшәүче Бөек Ватан сугышы ветераны Шаһтимер Хәбибуллин вафат булды. Шаһтимер Хәбибулла улы Актаныш районында яшәүче бүгенгә кадәр исән-сау булган, илебезгә Бөек Җиңү алып килгән дүрт Бөек Ватан сугышы ветеранының берсе иде.
Бөек Ватан сугышы ветераны Хәбибуллин Шаһтимер Хәбибулла улы озакламый 7 гыйнварда 100 яшьлек юбилеен билгеләп үтәргә тиеш иде. Әмма утлар-сулар кичкән карт солдатның 3 ноябрь көнне гомере өзелде.
Актаныш муниципаль районы башлыгы Ленар Зарипов үзенең телеграм-каналында героебызның якыннарының авыр кайгысын уртаклашты:
Бөек Ватан сугышы ветераны Хәбибуллин Шаһтимер Хәбибулла улы вафат. Якыннарының, туганнарының авыр кайгысын уртаклашабыз. Илебез тынычлыгы өчен утны, суны кичкән ветераныбызның урыны җәннәт түрләрендә булсын.
Шахтимер Хәбибулла улының авыр туфрагы җиңел булсын. Без дә туганнарының һәм якыннарының кайгысын уртаклашабыз. Геройның исеме безнең күңелләрдә мәңге сакланыр!
Следите за самым важным и интересным в Telegram-каналеТатмедиа
Нет комментариев