Мәдәни Актаныш
Ак халатлылар бәйрәме
Һәр елдагыча, быел да медицина хезмәткәрләре үзләренең һөнәри бәйрәмнәрен табигать кочагында билгеләп үттеләр. 20 июнь көнне Сабантуй мәйданы аларның шат авазларына күмелде. Ел әйләнәсе халык сәламәтлеген кайгыртып яшәүчеләр, күпмедер вакытка онытылып бәйрәм иттеләр. Аларны һөнәри бәйрәмнәре белән тәбрикләргә район башкарма комитеты җитәкчесенең социаль мәсьәләләр буенча урынбасары Ландыш Шәмсунова да килгән...
Һәр елдагыча, быел да медицина хезмәткәрләре үзләренең һөнәри бәйрәмнәрен табигать кочагында билгеләп үттеләр.
20 июнь көнне Сабантуй мәйданы аларның шат авазларына күмелде. Ел әйләнәсе халык сәламәтлеген кайгыртып яшәүчеләр, күпмедер вакытка онытылып бәйрәм иттеләр. Аларны һөнәри бәйрәмнәре белән тәбрикләргә район башкарма комитеты җитәкчесенең социаль мәсьәләләр буенча урынбасары Ландыш Шәмсунова да килгән иде.
-Сезне һөнәри бәйрәмегез белән ихлас күңелдән тәбрик итәм. Бүген сез үзегезнең хезмәтегезне бәялисез. Берәүгә дә сер түгел, медицина хезмәте еллап түгел, көнләп үсә бара. Әледән-әле яңа җиһазлар уйлап табыла. Чит илләргә чыкмыйча, үзебезнең илдә дә төрле авыруларны дәвалау мөмкинлеге бар. Дөнья булгач кеше авырмыйча тормый. Кеше шундый вакытта соңгы өмете белән сезгә килә. Сез исә үз чиратыгызда тәмле телегезне кызганмасагыз, аларның өметләрен өзмәсәгез иде. Аларның тәнен генә түгел, җанын да дәваласагыз иде. Бу һөнәрне сайлап ялгышмагансыздыр дип ышанабыз. Сезгә җан тынычлыгы, сәламәтлек, эшегездә уңышлар телим.
Ландыш Җәүдәт кызының әлеге фикерләре белән һәркем килешер дип уйлыйм. Чөнки авыру килеп кагылгач кеше югалып кала. Төшенкелеккә бирелә. Нәкъ менә шул вакытта табибларның җылы сүзенә, ягымлы карашларына мохтаҗ буласың. Дорфалыклары белән очрашкан вакытларда күңел үзеннән-үзе рәнҗи, хәтер кала. Менә шулардан саклансыннар иде алар.
Район үзәк дәваханәсенең баш табибы Айрат Бикмөхәмәтов та хезмәттәшләрен бәйрәм белән тәбрикләде.
- Кичә көне буе яуган яңгыр да бүгенгә туктады. Безнең шатлыкны уртаклашырга теләп, кояш чыкты. Эшебездә дә төрле хәлләр була. Авыр вакытларында авыруларга ярдәм итәр өчен көчебезне кызганмыйбыз. Киләчәктә дә шулай бергә кулга-кул тотынып эшләргә язсын.
Мәдәният хезмәткәрләренең концерт номерлары бәйрәмнәрен тагын да ямьләндереп җибәрде.
|
Хезмәтләре хөрмәтләнде
Актаныш хастаханәсе шәфкать туташы Миләүшә Рәсим кызы Салихова Рәсәй Федерациясе сәламәтлек саклау министрлыгының Мактау кәгазе, ашыгыч ярдәм бүлеге шәфкать туташы Чулпан Рәхимҗан кызы Сәрвәрова, гомум гамәли табибы Инсаф Азат улы Могътазиров, йогышлы авырулар бүлеге шәфкать туташы Фәрсия Нурлыгаян кызы Нәгыймова, Уразай фельдшер-акушерлык пункты шәфкать туташы Наилә Дагим кызы Ризванова Татарстан Республикасы Сәламәтлек саклау министрлыгының Мактау кәгазе, Актаныш шифаханәсе шәфкать туташы Зифа Галимҗан кызы Гыймазова, Иске Сәфәр фельдшер-акушерлык пункты шәфкать туташы Фәрсия Фоат кыз Габдрахманова, балалар дәвалау бүлеге шәфкать туташы Альбина Мөсәвир кызы Нурисламова Татарстан Республикасы Сәламәтлек саклау министрлыгының Рәхмәт хаты, клиник-лаборатория диагностикасы фельдшер-лобаранты Дилбәр Ягъфәр кызы Якупова район башлыгының Мактау кәгазе, район хастаханәсе шәфкать туташы Илина Назыйф кызы Әминова, Такталачык табиблык амбулаториясе шәфкать туташы Рәмилә Шәфигулла кызы Ханова, Байсар табиблык амбулаториясе шәфкать туташы Гөлнас Мирзасалих кызы Латыйпова район башлыгының Рәхмәт хаты белән бүләкләнделәр.
|
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев