Барнаулда Сабантуй

Актанышлылар Татарстан Республикасы делегациясе составында Алтай крае башкаласы - Барнаулда Сабантуй бәйрәмендә катнашып кайттылар. Татарстан Республикасы Президенты Рөстәм Миңнеханов бәйрәмгә олуг кунак буларак чакырылган иде. Бәйрәмне ачу тантанасы Актаныштан "Агыйдел" җыр һәм бию ансамбле һәм Алтай дәүләт филармониясенең "Огоньки" рус бию ансамбле чыгышлары белән башланып китте. "Безнең актанышлыларның җыр-биюләрен бик яраттылар, югары бәяләделәр. "Агыйдел" ансамбленә дәүләт статусы бирергә мөмкин, дигән фикер дә әйтелде", - дип таныштырды район башлыгы Э.Фәттахов бүлек җитәкчеләре белән үткәрелгән киңәшмәдә. Бәйрәм Алтай төбәгенең 75 еллыгына багышлап оештырылган.