Мәгариф яңалыклары
Актаныш районы укучыларын яңа уку елында мәктәпләргә йөртәчәк автобус маршрутлары артты
Актаныш районы укучыларын яңа уку елында мәктәпләргә йөртәчәк автобус маршрутлары артты. Бу хакта Актаныш районы башкарма комитетының гадәттән тыш хәлләрне булдырмау һәм кисәтү комиссиясендә әйттеләр.
Узган уку елында 18 гомуми белем бирү учреждениесенә 432 укучыны 14 маршрутта 17 автобус йөртте.
Яңа уку елында 18 мәктәпкә 454 укучыны 15 маршрутта 19 автобус йөртәчәк.
Яңа Әлем мәктәбенә аерым маршрут төзелде һәм яңа автобус бирелде.
Соңгы 2 елда районга республика фән һәм мәгариф министрлыгы тарафыннан 3 мәктәп автобусы кайтарылды. Мәгариф идарәсе автобусларның расланган маршрут буенча йөрүләрен контрольдә тота.
Следите за самым важным и интересным в Telegram-каналеТатмедиа
Нет комментариев