Республикада
4 апрельдә һава температурасы 20 градуска кадәр җылыначак
Татарстан территориясендә бүгеннән көннәр нык кына җылыта башлый. 4 апрель көнне көндез һава температурасы 15 градустан 20 градуска кадәр җитәчәк.
Төнлә белән суыта: -1градустан +4 градуска кадәр булыр дип көтелә. ТР Гидрометеоүзәге фаразлары буенча чәршәмбе көнне дә җылы булачак. Әмма республика аша атмосфера фронты узу сәбәпле, урыны белән Татарстанның күпчелек районнарында яңгыр яварга мөмкин.
6 апрельдә көндезен республиканың көнчыгыш районнарында явым-төшем көтелә.
Алдан фаразланганча, синоптиклар 7 һәм 8 апрельдә һава торышы явым-төшемсез булыр дип өметләндерә. Төнлә -2 градустан 3 градускача җылы, көндез 7- 12 градус җылы вәгъдә итәләр.
Следите за самым важным и интересным в Telegram-каналеТатмедиа
Нет комментариев