Актанышның Мәдәният һәм сәнгать паркында «Татарстанда җәй» проекты кысаларында сәламәт яшәү рәвешенә багышланган иҗади кичә узды.
Чарада балалар һәм яшьләр өчен «Китап аша сәламәтлек дөньясына» исемле китап күргәзмәсе, төрле кызыклы уеннар һәм викториналар оештырылды. Катнашучылар табышмаклар, мәкальләр, тизәйткечләр ярдәмендә белемнәрен сынады, «Файдалы–зарарлы» һәм «Витаминнар лабораториясе» уеннарында катнашты.
Балалар биеделәр, асфальтка рәсемнәр ясады һәм спорт уеннарында катнашты.
Чараның төп максаты — яшь буынга сәламәтлекнең кыйммәтен аңлату, дөрес туклану, спорт белән шөгыльләнү, саф һавада йөрү һәм начар гадәтләрдән баш тартуның мөһимлеген искәртү, шулай ук китап укуга кызыксыну уяту.
Нет комментариев