Өй эчендәге энергияне ничек яхшыртырга?

Өеңнең энергиясе артсын дисәң...

•  Тишек, ертык, ямалып беткән тапочкалардан котылыгыз. Аларны яңартып торырга тырышыгыз.
•  Киелмәгән иске кием тотмагыз. Начар энергетика җыеп ятмасын өчен аларны кызганмый чыгарып ташлагыз йә киердәй кешегә бирегез.
• Кителгән, чатнаган, ярык савыт-саба булган йортта татулык булмый, диләр. Бер-берегезгә нәрсә бүләк итәргә белмәсәгез, савыт-саба бүләк итегез. Ул беркайчан да артык булмый.
• Кипкән камыш йә кылган авыру, бәхетсезлек, ялгызлык китерә йортка дигән ырым борынгыдан яшәп килә. Кипкән үлән урынына матур-матур гөлләр үстерегез.
• Ылыслы агач йә аның ботаклары өй эченә елына бер тапкыр гына кертелә. Яңа ел бәйрәмнәре үтү белән аларны чыгарырга кирәк.
• Бозык техника: эшләмәгән телевизор, тузан суыргыч, компьютер, телефон күпләрнең йортында бардыр. Ремонтларлык дәрәҗәдә булмасалар, алардан тиз арада котылу юлын эзләргә кирәк.Өегезгә керәсе килеп торсын! Уңай энергетиканы хәтта бүлмә гөлләре дә сизә, диләр.