Актаныш командасы - мини-футбол чемпионы (+ФОТОЛАР)

12 август - физкультурачылар көнендә район авыл җирлекләре, оешма-предприятиеләр командалары арасында мини-футбол чемпионаты узды.

Җирлекләр арасында Актаныш командасы чемпион калды. II урында - Киров, IIIтә - Татар Суыксуы командалары. Оешмалар арасында исә иң-иң булып спорт мәктәбе командасы танылды. II урынны - МНКТ, IIIне мәгариф идарәсе командасы яулады.

Иң яхшы сакчылар - Айнур Закирҗанов (Татар Суыксуы), Илнар Ибниев (МНКТ); иң көчле һөҗүмчеләр - Искәндәр Мортазин (Актаныш), Ирек Вәгыйзов (мәгариф идарәсе); иң көчле бомбардирлар - Алмаз Шакиров (Иске Байсар), Салават Кәшбразыев (спорт мәктәбе); иң шәп капкачылар - Эдуард Исламов (Актаныш), Илфир Әнвәров (спорт мәктәбе); иң көчле уенчылар - Рамил Гыйлфанов (Киров), Ригинат Нуриәхмәтов (ИП Шәйхразыев).