Актанышның «Иман» командасы — Татарстан кубогы иясе!

Шулай ук 9–10 март көннәрендә Актаныштагы «Иман» спорт комплексында 2011–2012 елгы яшүсмерләр арасында футзал буенча Татарстан Республикасы беренчелеге (С дивизионы) узды. Әлеге ярышларда республикадан 8 команда катнашты.

 Уеннар бик киеренке шартларда барды. Җиңү яулаган командалар белән танышыйк:

1 урын — Актаныш районының «ИМАН» ФК командасы

2 урын — Менделеевск командасы

3 урын — Болгар командасы

Актаныш егетләре ярышларда югары осталык, нык ихтыяр һәм чын команда рухы күрсәтеп, лаеклы рәвештә беренчелекне яуладылар.

Бу зур җиңү — яшь спортчыларның тырышлыгы, тренерларның һөнәри осталыгы һәм команданың бердәмлеге нәтиҗәсе.

Спортчыларыбызны әлеге матур җиңүләре белән ихластан котлыйбыз!
Афәрин, егетләр! Алга таба да зур уңышлар телибез!