Бүген, 1 декабрь- Хоккей көне!

Кышның иң беренче көнен 

Билгели хоккейчылар, 

Кыш башланганын көтәләр, 

Уен башларга алар. 

Кызлар да уйный хоккейда 

Егетләр белән бергә, 

Зур җиңүләр яулыйлар 

Бар дөнья күләмендә. 

Тәртип сөя һәм максатчан, 

Хоккейда уйнаучылар, 

Егетләрдән калышмыйча 

Уйныйлар хәзер кызлар. 

Кыюлар уены хоккей, 

Нык беләкле, киң җилкәле 

Баһадир ир-егетләрдәй 

Хоккей кызлар төркеме. 

Дөнья чемпионатында 

Үз командалары бар, 

Ил беренчелеге өчен 

Алар көч сынашалар. 

Эдуард Хиль белеп җырлый: 

“Трус не играет в хоккей”, 

Бөтенрәсәй бәйрәм көне: 

“Куркак уйнамый хоккей!» 

Стадионнар кабул итә 

Хоккей сөючеләрне, 

Кемдер уйный, кемдер карый, 

Кышның беренче көне! 

Кышкы спорт төре ул хоккей, 

Иң хәрәкәтле уен, 

Уйнаучы да, караучы да, 

Көттеләр кыш килгәнен. 

Фәймә Зайнуллина