Дзюдочылар кунакка дәште

19 сентябрь көнне "Иман" спорт комплексында дзюдочылар "Ачык ишекләр көне" үткәрде. Күрсәтмә чыгышлар, көрәшү алымнары аша осталыкларын, бер ел эчендә ирешкән уңышларын күрсәттеләр. 11 кыз, 14 егетнең чыгышын аларның әти-әниләре дә сөенеп карап утырды. Узган уку елында уңышка ирешкәннәрен ДЮСШ директоры Шамил Латыпов яңа кимонолар белән бүләкләде. Район башкарма комитеты җитәкчесенең социаль мәсьәләләр буенча урынбасары Ландыш Шәмсунова узган ел район данын яклап бәйгеләрдә призлы урын алучы балаларның һәркайсына да мактау кәгазьләре тапшырды.