Искәндәр Мортазин — көрәш буенча Россия чемпионы

Казанның "Ак Барс" көрәш сараенда 8-9 декабрь көннәрендә Россия беренчелегенә һәм чемпионатына көрәш бәйгеләре узды. Анда Россиянең 36 төбәгеннән 245 спортчы бил алышты.
Нәтиҗәдә, Татарстан егетләре 12 алтын, 2 көмеш һәм 1 бронза медаль яулап, зурлар арасында да, яшьләр арасында да гомумкоманда зачетында мәртәбәле I урынга ия булдылар. Актаныш районыннан Искәндәр Мортазин бәйгедә 65 кг га кадәр авырлык үлчәвендә яшьләр арасында Россия чемпионы калды, 20 мең сум күләмендә акчалата премия белән бүләкләнде.
Котлыйбыз!