Искәндәр – Татарстан чемпионы

4-6 октябрь көннәрендә Алабуга шәһәрендә "Татарстан яшьләре" газетасы призына 1994-1995 елгы яшүсмерләр арасында милли көрәш буенча ТР беренчелеге үтте. Әлеге ярышларда 8 үлчәмдә барлыгы 49 команда катнашты, Актаныш командасы гомуми 192 очко жыеп, 13 урында. Шәхси нәтиҗәләргә килгәндә исә, 65 килограмм үлчәмдә яшь баһадирыбыз Искәндәр Мортазин Татарстан Республикасы чемпионы исеменә лаек булды. Бүгенге көндә Искәндәр Казан шәһәренең аграр университетында белем ала, остазы Татарстан Республикасының атказанган тренеры Әнвәров Илфир Илфат улы.