Үзенчәлеге: торт суынгач өстендә тамчылар барлыкка килә.

Бүген сезнең белән шушы тәмле торт рецепты белән бүлешәсем килә. 

Камыр өчен:

• 1 ст он

• 1 чәй к. разрыхлитель

• 80 г сыер мае

• 2 аш к. шикәр комы

• 1 йомырка

Эчлек өчен:

• 500 г эремчек

• 0,5 ст шикәр комы

• 3 йомырка сарысы

• 1 ст.л манный ярмасы

• 100 г каймак

• 1 кап ванилин

Суфле өчен:

• 3 йомырка агы

• 3 аш к. шикәр пудрасы

Эшне башлыйбыз

Камыр

1. Онны камыр көпшәкләндергеч белән кушып болгатыгыз, өстенә суытылган сыер маен турап салыгыз.

2. Йомырканы һәм шикәр комы белән кушып, барсын бергә камыр ясыйбыз.

3. Әзер камырны пленкага төреп, 30 минутка суыткычка куегыз.

Эчлек

Барлык ингредиентларны бергә блендерда болгатыгыз.

Суфле

Йомырка агын күпертергә, әзерлек белән эзләп шикәр пудрасы кушарга.

Пешерү

1. Әзер камырны суыткычтан алып, табага җәеп, бортиклар ясап чыгабыз (минем таба 24 см).

2. Өстенә эремчекле эчлекне агызабыз.

3. 180°Ста духовкада 20–30 минут пешерәбез.

4. Шуннан соң өстенә суфле ягып, кире духовкада 10–15 минут, матур төс кергәнче тотабыз. Артыгын пешермәгез.

5. Духовканы сүндереп, ишеген ачып, шунда суынырга калдырабыз.

6. 40 минуттан соң тортның өстендә тамчылар барлыкка килергә тиеш.