14 яшьлек райондашыбыз үзенең туган көнендә питбайкта юл һәлакәтенә очраган

Беренчел мәгълүматлар буенча, ул тизлекне шактыйга арттырган, питбайкын идарә итә алмыйча ауган. Өстәвенә башында мотошлем да булмаган.

Юл-транспорт һәлакәтендә җәрәхәтләнгән яшүсмер хастаханәгә китерелә.

Актаныш районы ЮХИДИ идарәсе ата-аналарны үз балаларының иминлегенә җитди карауларын сорый. Инспекторлар баланың кайда булуын даими контрольдә тотарга, үлемгә китерә торган уенчыклар сатып алмаска чакыра.