М-7 юлының Актаныш районындагы өлешендә ике йөк машинасы бәрелешеп, берсендә пассажиры һәлак булган

"Актаныш-информ" өчен Ләйсән Газизова әзерләде, 11 гыйнвар 2024 - 13:03

3513

Бүген, 11 гыйнварда, Актаныш районы аша узучы М-7 «Волга» автоюлының 1130нчы километрында үлемгә китерүче юл-транспорт һәлакәте булды. Авария ике йөк машинасының маңгайга-маңгай бәрелешүе аркасында килеп чыккан. бәрелешкән.

М-7 юлының Актаныш районындагы өлешендә ике йөк машинасы бәрелешеп, берсендә пассажиры һәлак булган

ТР Дәүләт автоинспекциясенең беренчел мәгълүматлары буенча, FAW йөк автомобиле йөртүчесе каршы як полосага чыгып, Scania йөк машинасы белән бәрелешкән.

Һәлакәт нәтиҗәсендә FAW шоферы хастаханәгә китерелә, ә аның пассажиры һәлакәт урынында вафат була.