Мәрхәмәтлелеккә яшьтән: Бүген Татар Суыксуы мәктәбенең яшь юл хәрәкәте инспекторлары сәламәтлеккә туймаган авылдашларына булышты

Укучылар кар көрәделәр, башка хуҗалык эшләрендә булыштылар. Авыру-сыктаулардан арыган җаннарга тынычлык, күңел көрлеге өстәп концерт та куйдылар. 

Ярдәмгә мохтаҗларга булышу элек-электән татар халкына хас асыл сыйфатларның берсе.

Укучыларда әлеге матур холык-фигыльне тәрбияләүдә мондый волонтерлык дәресләре бик кирәк.

Чара турында безгә район ЮХИДИ-нең пропаганда бүлеге җитәкчесе Ләйсән Мөхәммәтова хәбәр итте.