7–13 сентябрь — Аеклык атналыгы

Ни өчен бу мөһим?

Алкоголь — вакытыннан алда үлемгә китерә торган төп куркыныч факторларның берсе. Соңгы 35 елда Россиядә 5,7 миллионнан артык хезмәт яшендәге ир-ат үлеменең турыдан-туры яки турыдан-туры булмаган рәвештә алкоголь белән бәйле булуы ачыкланган.

Шул ук вакытта алкоголь сәбәпле барлыкка килгән авырулардан һәм үлем очракларыннан үлүчеләр саны елдан-ел кими. Моңа профилактик чараларның да йогынтысы зур.

Алкогольдән баш тартканда организмда нинди үзгәрешләр була?

Алкоголь кулланудан баш тарту сәламәтлеккә уңай йогынты ясый:

• 1–2 атнадан соң йокы яхшыра, энергия арта;

• бер айдан соң кан басымы нормальләшә, йөрәккә һәм бавырга булган йөкләнеш кими;

• ярты елдан соң йөрәк-кан тамырлары һәм бавыр авырулары куркынычы сизелерлек кими.

Аек тормышка беренче адымнар

Кичке вакытта ял итү өчен алкоголь куллануны саф һавада йөрү, физик күнегүләр белән алыштырырга мөмкин. Физик активлык стрессны киметергә ярдәм итә һәм организм өчен күпкә файдалы.

Компания басымына бирешмәгез. Алкогольдән баш тарта белү — көчсезлек түгел, ә үз сәламәтлегеңә җаваплы мөнәсәбәт.

Үзегезгә ошаган шөгыль табыгыз. Спорт, иҗат, төрле мавыгулар тормышны кызыклы һәм мәгънәле итә.

Гаиләдә алкогольсез традицияләр булдырырга мөмкин. Бергәләп саф һавада йөрү, өстәл уеннары уйнау, спорт белән шөгыльләнү яки иҗади эшләр башкару — балалар өчен дә яхшы үрнәк.

Алкогольгә бәйлелек — авыру

Алкогольгә бәйлелекне характер көчсезлеге дип кенә карарга ярамый. Бу — дәвалауны һәм белгеч ярдәмен таләп итә торган җитди хроник авыру.

Әгәр сез яки якын кешегез алкоголь куллану белән бәйле проблема белән очрашса, бу хакта эндәшми калмагыз.

«Актаныш үзәк район хастаханәсе»ндә табиб-нарколог кабул итә.

Белгеч белән киңәшләшү өчен телефон: +7 (85552) 3-42-10.

11 сентябрьдә Бөтенроссия аеклык көне билгеләп үтелә. Бу көн — үз сәламәтлегеңә һәм алкогольгә мөнәсәбәтеңә яңадан күз салу өчен яхшы сәбәп.

Үзегезне һәм якыннарыгызны саклагыз, сәламәт булыгыз!