Иртәгә, 21 августта, Яр Чаллыда икеләтә юбилей билгеләп үтеләчәк.
Шәһәр үзенең 400 еллыгын, ә КамАЗның беренче автомобиле чыгарылуга 50 ел тулуны бәйрәм итәчәк. Шәһәр халкын һәм кунакларны Яр Чаллының «Прибрежный» паркында зур бәйрәм программасы көтә. Чара барышында концертлар, төрле мәдәни һәм күңел ачу мәйданчыклары эшләячәк.
Бәйрәм кунаклары алдында Татарстанның халык артисты Салават Фәтхетдинов һәм популяр җырчы Сергей Лазарев чыгыш ясаячак.
Кичен исә шәһәр күген бәйрәм салюты бизәячәк. Яр Чаллы халкын һәм шәһәр кунакларын икеләтә бәйрәм белән котлыйбыз! Юбилейлар шәһәр тарихында якты һәм истәлекле хатирәләр булып калсын!
Нет комментариев