Актаныш мөхтәсибәте: Бүгеннән корбанлык сарыкларны сайлап куярга мөмкин

Мөхтәрәм мөселман дин кардәшләр! Корбан гаете Мөбәрәк булсын!

Көтеп алган мөкәтдәс бәйрәмебез Корбан гаете җитте. Корбан тормыш нигъмәтенә шөкер кылып, Ибраһим галәйһиссәләмнең эшен дәвам итеп, ахирәттә Сиратны атланып кичү, гөнаһ-хаталарның ярлыкануы өчен чалына. Корбан Аллаһыны искә алу һәм Аның ризалыгына ирешү өчен әмер ителгән.

Гает намазы 28 июнь көнне районыбызның мәчетләрендә иртәнге 5 сәгать 00 минутта Коръән Кәрим уку белән башлана.

Олуг гает көнендә Бәйрәм намазларын укырга, корбаннар чалырга, күңелләребездәге мәрхәмәт, куаныч-шатлык хисен тирә-юндәгеләргә житкерергә язсын! Гаиләләребез нык, өйләребез нурлы булсын! 

Мәчетләребезгә рәхим итегез! 

Актанышта корбан чалу урыны — «Сугаз» оешмасы ишегалды артында. Сарыкларны 27 июнь кичке 16:00 сәгатькә китерү оештырыла һәм сайлап тамгалап китәргә була.
Корбан чалдырырга теләге булган, әмма килә алмаганнарга, телефон аша белешеп (89372834680- хәзрәт), корбан чалдырырга һәм итен китереп бирү мөмкинлеге булачак.

Актаныш мөхтәсибәте