БӘЙРӘМ УҢАЕННАН: Актанышта - "Карга боткасы" (ФОТОМИЗГЕЛЛӘР)

 Күркәм традициягә әверелгән әлеге чара быел аеруча киң масштабта оештырылды. Актаныш үзәгендә генә дә май боткасы 3 урында пешеп, райондашларыбызга бәйрәм рухы өстәде. 

"Бүләк" чаңгы базасына, 12 һәм 57 бистәләрдә башланып киткән бәйрәмне күрергә, карга боткасыннан авыз итәргә килүчеләрнең күп булуы сөендерде – татар халкының милли бәйрәме онытылмый, ә буыннан-буынга тапшырылып килә. 

Мәйданнарга җыйналган халыкны район җитәкчелеге вәкилләре Яз һәм Хезмәт бәйрәме белән тәбрик итте. Биредә балалар өчен төрле бәйгеләр оештырылды, халык җырлап-биеп бәйрәм үткәрде.