Сез сораган идегез
Актанышта булачак Яңа ел бәйрәме чараларының планы төзелде
Актанышта Яңа ел бәйрәмен үткәрү буенча кызыклы һәм эчтәлекле чаралар планы төзелде. Бүген аның белән Актаныш район Башкарма комитет җитәкчесенең социаль мәсьәләләр буенча урынбасары Дилбәр Әнвәрова таныштырды.
- Актанышта төп Яңа ел бәйрәме чаралары 23 декабрьдә Үзәк чыршы ачылу тантанасы белән башланып китәчәк. Шушы ук көнне сәләтле балаларыбызны район башлыгының чыршы бәйрәмендә котлаячаклар.
- 25 декабрьдә мөмкинлекләре чикләнгән һәм ятим балалар өчен, ә 27 декабрьдә махсус хәрби операциядәге солдатларның балалары катнашында Балалар иҗат үзәгендә чыршы бәйрәме үткәрелә.
- 28 декабрьдә Кышкы ярминкә, Үзәк чыршы янында Яңа ел бәйрәме, Кыш бабайлар парады, Тройкалар парады оештырыла.
- 29, 30, 31 декабрьдә «Агыйдел» дәүләт җыр һәм бию ансамбле бинасында һәм Әлфия Авзалова исемендәге район мәдәният сараенда Яңа ел бал-маскарадлары була.
- 1 -10 гыйнвар көннәрендә райондашларыбызны төрле спорт ярышларына чакырып калабыз.
Следите за самым важным и интересным в Telegram-каналеТатмедиа
Нет комментариев