МИЛЛИ БӘЙРӘМЕБЕЗ ЯКЫНЛАША: Авыл Сабантуйларына рәхим итегез!

Сабантуйларны 7 июнь көнне Сөн буе Сабантуе башлап җибәрә. Ул 16.00 сәгатьтә Меңнәр авылында узачак.

Шушы ук көнне Куянда 17.00 сәгатьтә, елдагыча матур бәйрәм тантанасы көтелә.

Күпчелек авыл җирлекләрендә Сабантуй бәйрәме 8 июнь, шимбә көнне, иртәнге якка билгеләнгән. Мәсәде һәм Карт авылларында15.00, Иске Җияштә – 17.00 сәгатьләрдә авылдашлар һәм кунаклар бер мәйданга җыела. 

9 июнь, якшәмбе көнне Адай, Уръяды, Тыңламас, Түке, Яңа Кормаш, Усы авылларында Сабантуй батырлары ачыклана. Очраштыра, кавыштыра, алдагы җәйләргә кадәр дәрт-дәрман, көч-куәт, илһам бирә торган, онытылмаслык кадерле мизгелләр бүләк итүче Сабантуйга рәхим итегез!