Ләйсән ГАЗИЗОВА автор яңалыклары
-
Кышка әзерлек – бүгенге көннең төп бурычы
Бүген, 18 июнь көнне, Актаныш районы башлыгы Ленар Зарипов авыл хуҗалыгы һәм азык-төлек идарәсе җитәкчесе Нәфис Сәлимгәрәев белән берлектә район хуҗалыкларының кышка әзерлеген карый.
-
Ленар Зарипов: «Сез – Актанышның горурлыгы һәм илебезнең якты киләчәге!»
Актаныш районында интеллектуаль бәйгеләрдә, олимпиадаларда зур уңышларга ирешкән яшь талантларны һәм аларның остазларын хөрмәтләү тантанасы узды. Әлеге гүзәл бәйрәмгә Актаныш муниципаль районы башлыгы Ленар Зарипов үзе килеп, укучыларны, укытучыларны һәм ата-аналарны чын күңелдән тәбрикләде, кайнар рәхмәт сүзләрен һәм иң изге теләкләрен җиткерде.
-
Илшат Вахитов: «Укучының уңышы – укытучының йөрәгенә май булып ята»
Бөтенроссия фән олимпиадасының төбәкара этабында, шулай ук Халыкара фән олимпиадаларында призлы урыннар яулаган Актаныш районының яшь талантларын һәм аларның укытучыларын Актаныш муниципаль район Советы Аппараты җитәкчесе Вахитов Илшат Рәфит улы кайнар котлады.
-
«Ватанга хезмәт итәм!»: Хәсән Заманов исемендәге кадет мәктәбе республикада сынатмады
Актаныш районының олимпиадаларда җиңүче яшь зыялыларын һәм аларның остазларын хөрмәтләү тантанасында кадет мәктәбе укучыларының казанышлары аерым урын алып торды. Кадет мәктәпләре арасында уздырылган “Ватанга хезмәт итәм! Халыкка хезмәт итәм!” республика олимпиадасында Советлар Союзы Герое Хәсән Заманов исемендәге кадет мәктәп-интернаты коллективы чираттагы тапкыр югары дәрәҗәдә уңышлы чыгыш ясап, район данын зурлады.
-
Олимпиада – мәгариф сыйфатының төп көзгесе
Актанышның Мәдәният сараенда район мәгарифе өчен бик мөһим һәм тантаналы чара оештырылды. Биредә мәктәп укучыларының Бөтенроссия, республика, регионара һәм халыкара олимпиадаларында, шулай ук «Олимпка юл» бәйгесендә җиңү яулаган яшь талантларны һәм аларның остазларын хөрмәтләделәр.
-
Укучыларның олимпиадаларда җиңүләре – район горурлыгы!
Бүген Әлфия Авзалова исемендәге район мәдәният сараенда 2025-2026 уку елының иң тантаналы чарасы узды. Әлеге бәйрәм «Олимпка юл», республика, төбәкара, халыкара һәм Бөтенроссия фән олимпиадаларында җиңү яулаган укучыларны хөрмәтләүгә багышланды.
-
Үз һөнәренең тугры улы: Актанышка өченче буын табиб-рентгенолог Денис Рамазанов кайтты
Россиядә гамәлгә ашырылучы «Земский доктор» дәүләт программасы төбәкләрдәге хастаханәләрне тәҗрибәле һәм яшь белгечләр белән тулыландыруда зур роль уйный. Быел әлеге программа нигезендә Актаныш район үзәк хастаханәсенә өч яңа табиб эшкә кайтты. Аларның икесе турында без сайт битләрендә алдарак яктырткан идек инде. Бүген исә без сезне хастаханәбезнең яңа табиб-рентгенологы, бер үк вакытта баш табибның медицина өлеше буенча урынбасары вазыйфаларын да башкаручы Денис Рөстәм улы Рамазанов белән якыннан таныштырабыз.
-
Табиблар спартакиадасы: Актаныш командасы — республикада икенче!
Татарстан Республикасы медицина хезмәткәрләре арасында узган Спартакиадага нәтиҗәләр ясалды. Берничә атна дәвам иткән бу зур спорт бәйрәме катнашучыларга көчле эмоцияләр, дулкынландыргыч мизгелләр, киеренке көрәш һәм чын команда рухы бүләк итте. Аеруча сөенечле яңалык — Актаныш район үзәк хастаханәсе командасының канат тарту буенча икенче урынны яулавы!
-
Ике күрше- Баян Дәүләтов урамында матурлык тудыручылар
Актанышның Баян Дәүләтов урамы буйлап узганда, күзләр үзеннән-үзе бер матурлыкка тартыла. Яз җитүгә, биредә яшәүче күршеләр — Гүзәлия Сабирова һәм Рәҗәп Сәлахова йортлары каршында чәчәкләр диңгезе хасил була. Җәй буе шаулап чәчәк аткан бу гүзәллек юлчыларга күтәренке кәеф бүләк итә, ә кышын әлеге ишегаллары әкияти кар сыннары белән сокландыра. Шулай итеп, уңган күршеләр үз куллары белән туган якка ямь өсти, кешеләрнең күңеленә нур сибә.
-
Ярдәм янәшә
11 июнь көнне Әтәс авылында бер төркем апа-ханымнар изге эш башкарды — махсус хәрби операциядәге солдатларыбыз өчен токмач кистеләр. Бу эш ризык әзерләү генә түгел, ә йөрәк җылысын, изге теләкләрне, ихлас догаларны да үз эченә алган игелекле гамәл булды.
-
Актаныш егете Данир Нигъмәтуллин Сочида узган халыкара фестивальдә призлы урын яулады
Сочи (Адлер) шәһәрендә «Сәнгать дөньясында» балалар, яшүсмерләр һәм өлкәннәр иҗаты фестиваль программасы кысаларында V Халыкара «Триумф на Южном побережье» конкурс-фестивале узды. Әлеге абруйлы халыкара бәйгедә Актаныш районы данын Әнәк авылы мәдәният йорты солисты Данир Нигъмәтуллин лаеклы рәвештә тәкъдим итте. Яшь җырчы «Халык вокалы» номинациясендә, 13–15 яшьлекләр категориясендә чыгыш ясап, III дәрәҗә лауреат дипломына ия булды.
-
Чаллы кабат Актаныш сәләтенә сокланды: «Сабан туе гүзәле — 2026» титулын Яңа Әлем кызы Эльвера Миңнегалиева яулады!
Яр Чаллы шәһәрендә быел 32 нче тапкыр оештырылган «Сабан туе гүзәле» бәйгесенә нәтиҗә ясалды. Милли мәдәниятне, тирән гореф-гадәтләребезне һәм яшьләрнең иҗади мөмкинлекләрен берләштергән әлеге абруйлы конкурста олы җиңүне Актаныш кызы, Яңа Әлем авылында туып-үскән Эльвера Миңнегалиева яулады!
-
Чаллы мәйданында Актаныш дәрәҗәсе: якташыбыз Азат Габдрәшитов икенче ел рәттән абсолют батыр калды
Яр Чаллы шәһәрендә узган Сабантуй–2026 милли бәйрәме актанышлылар өчен аеруча зур сөенеч һәм горурлык хисләре уятты. Якташыбыз, Актаныш районының Татар Суыксуы авылында туып-үскән танылган көрәшче Азат Габдрәшитов, мәйданның иң дәрәҗәле титулын яулап, икенче ел рәттән бәйрәмнең абсолют батыры исеменә лаек булды.
-
Актанышта Россия көне концертлары гөрли
Бүген, 12 июнь — Россия көне, Актанышта бәйрәм чаралары дәвам итә. Пар балдаклар паркында Әлфия Авзалова исемендәге район мәдәният сарае артистлары райондашларыбызга эчтәлекле һәм матур концерт программасы белән чыгыш ясый.
-
Паспорт — яңа тормышка адым
Россия көне алдыннан Актаныш районының 12 укучысы Россия Федерациясе гражданины паспортына ия булды. Тантаналы чарада Россия Эчке эшләр министрлыгының Актаныш районы буенча бүлеге полициясенең кадрлар бүлеге җитәкчесе, полиция подполковнигы Радик Фәрид улы Басыйров та катнашты.
