«Башак» хуҗалыгы баш инженеры: Язгы чәчү компаниясен проблемаларсыз башкарып чыгарбыз

Һәркайда тәртип, техникалар, агрегатлар Татарстан Республикасы Авыл хуҗалыгы һәм азык-төлек министрлыгының язгы кыр эшләрендә катнашачак техникаларны кабул итүенә комиссия әгъзаларын рәт-рәт тезелеп, көлеп каршы алдылар. 

Язгы кыр эшләрендә катнашачак 28 тракторның барысы да комиссия тарафыннан кабул ителгән.

- Запас частьлар вакытында кайтып җитте, техникалар төзек, техосмотрларны әйбәт кенә үттек. Механизаторларыбыз да тулы комплектта. Язгы чәчү компаниясен проблемаларсыз башкарып чыгарбыз,- ди баш инженер  Рамил Гарипов.

Бөртеклеләрне ике комплекслы һәм "Быстрица" чәчү агрегатлары белән чәчәкләр. Ә кукурузаны җир куенына иңдерергә узган ел алып кайткан "Хорч" комплексы белән керәчәкләр.

Техника ремонтына акча жәлләмәгәннәр, чәчү комплексы ремонты гына да 800 мең сумга баскан.