Районыбыз җитәкчелеге һәм аграр тармак вәкилләре Бөтенроссия Кыр көнендә катнаша

Илебезнең агросәнәгать комплексы юнәлешендәге иң зур чара кысаларында Россиякүләм җир сөрү буенча 10нчы юбилей чемпионаты, авыл хуҗалыгы тармагындагы мөһим мәсьәләләр турында хәлиткеч сөйләшүләр үткәрелә. "Кыр көне-2023" кысаларында үсемлекчелек, терлекчелек, кошчылык, агротехника, авыл хуҗалыгын санлаштыру, һөнәрчелек һәм башка юнәлешләрне колачлаган зур күргәзмә эшли.  

«Кыр көне-2023» тантаналы төстә 13 сәгать 15 минутта «Казан-Экспо» Халыкара күргәзмәләр залында ачылачак. Анда Россия Федерациясе Авыл хуҗалыгы министры Дмитрий Патрушев һәм Татарстан Республикасы Рәисе Рөстәм Миңнехановның чыгыш ясавы көтелә.

Реклама

Бө мөһим чарада район башлыгы Ленар Зарипов җитәкчелегендә Актаныш районының аграр тармак башлыклары һәм белгечләре дә катнаша.