Республикакүләм техникалар кабул итү чарасында «Чишмә» агрофирмасы механизаторлары премия белән бүләкләнде

Чәчү агрегатлары, зур җитештерүчән җир эшкәртү техникалары, тырмалау, дым каплату агрегатлары- барысы да төзек хәлдә басуларның кардан арчылуын көтә. Тиздән яңа катоклар кайтып җитәчәк.  

Хуҗалыкның төп акча кереме- терлекчелектән. Шуңа күрә терлек азыгына тәгаенләнгән культураларны күбрәк чәчәчәкбез. Арпа, кукуруза мәйданнарын арттырдык,- ди агрофирма директоры Энгель Фәттахов.

Энгель Нәвапович Татарстан Республикасы Авыл хуҗалыгы һәм азык-төлек министрлыгының язгы кыр эшләрендә катнашачак техникаларны кабул итүенә техникаларын яхшы әзерләгән механизаторларга акчалата премияләр тапшырды. Механизаторларның барысы да медицина тикшерүе узып, сәламәтлекләре буенча хуҗалык эшләрендә хезмәт куярга сәләтле дип табылган.

Агрофирма хезмәтчәннәрен махсус киемнәр белән дә тәэмин иткән.