УҢГАН БАКЧАЧЫ ГӨЛНАЗ ӘХМӘДИШИНА: Борычларны иртә чәчсәгез, мул уңышын җыеп тиз сөенерсез!
Орлыкларны иртәрәк чәчергә яки кайчан утыртсаң да рассада үсеп, уңыш яхшы булырмы? Бу сорау күпләрне борчый. Без «Актаныш-информ» журналистлары бу турыда бакчачылык сәхифәләрендә районыбызның һәвәскәр бакчачылары белән берлектә хәтсез материаллар эшләп, җавап эзләгәнебез дә бар. Бүген мин Актанышның яңа буын үзәк китапханәсе директоры, уңган бакчачы Гөлназ Әхмәдишинадан борыч үстерү буенча тәҗрибәсен белешергә булдым.
Борычларыгыз күз тимәсен, шәп, ныклы күренә, Гөлназ апа! Борычларны кайчанрак утыртасыз, иртә утыртуның файдасын күрәсезме?
Рәхмәт, Юлай. Әлбәттә. Борычны ничек иртәрәк утыртсаң шул кадәр тизрәк һәм мул уңыш бирә.
Соң утырсан җитешми ул һәм кызармый (пешми), борычы да әз була.
Фотосурәттә сез тәҗрибәле бакчачы Гөлназ апаның борыч рассадасын күрәсез. Аны ул бүген күчереп утырткан. Әйе шул, рассаданы вакытында күчерү, сирәкләү дә мөһим мәшәкатьләр бит.
Сөбханаллаһ, исән-имин үстереп, мул уңышлар алып шатланырга язсын сезгә!
Следите за самым важным и интересным в Telegram-каналеТатмедиа
Нет комментариев