Безнең горурлык: Райондашыбыз «Хәрби батырлык өчен» медаленә лаек булды
Хәрби хәрәкәткә мобилизацияләнгән егетләребез турында районыбызга бер-бер артлы сөенечле яңалыклар килеп ирешә тора.
«Актаныш юллары» төзелеш оешмасында хезмәт куйган Илдар Дәүләтшин хакында да шатлыклы хәбәр алдык.
Илдар Нил улы Донецк Халык Республикасы Халык милициясе идарәсенең ведомствоара II дәрәҗә «Хәрби батырлык өчен» медаленә лаек булды. Бу хакта Донецк Халык Республикасы Халык милициясе идарәсе башлыгы 28 июнь көнне үзенең боерыгын имзалаган.
Илдар хәрби операциягә 2022 елның октябрь аенда киткән иде. Якташыбызны хәрби батырлык үрнәге, кыюлык күрсәтеп уңышларга ирешүе белән котлыйбыз, аның белән горурланабыз, исән-сау туган ягыбызга әйләнеп кайтуын көтеп калабыз.
Следите за самым важным и интересным в Telegram-каналеТатмедиа
Нет комментариев