Халык шагыйре Гамил Афзалның тууына 105 ел: «Яшьләр каләме» иҗат бәйгесенең йомгаклау тантанасына чакырабыз!

"Актаныш-информ" өчен Ләйсән Газизова әзерләде, 21 май 2026 - 14:24

375

Хөрмәтле райондашлар, шигърият сөючеләр һәм иҗат дөньясына битараф булмаган дусларыбыз!

Халык шагыйре Гамил Афзалның тууына 105 ел: «Яшьләр каләме» иҗат бәйгесенең йомгаклау тантанасына чакырабыз!

Тиздән районыбызда зур һәм тантаналы вакыйга көтелә. Сезне данлыклы якташыбыз, танылган халык шагыйре Гамил Афзалның тууына 105 ел тулуга багышланган республика күләмендәге «Яшьләр каләме» («Яшь каләмчеләр») иҗат бәйгесенең йомгаклау тантанасына чакырабыз!

Бу чара — яшь сәләтләрне ачыклау, сүз сәнгатен үстерү һәм бөек шагыйребезнең якты истәлеген хөрмәтләү максатыннан оештырыла. Тантанада бәйге җиңүчеләре игълан ителәчәк, рухландыргыч шигырьләр һәм җырлар яңгыраячак.