Район мәктәпләре укучылары «Без-бергә!» хәйрия концертының бизәге булдылар (фото, видео)
Районыбызда оештырылган «Без-бергә!» хәйрия концерты актанышлыларның никадәр бердәм һәм ярдәмчел, игелекле халык икәнлегебезне күрсәтте.
«Без-бергә!» хәйрия концертында волонтер артистларыбыз белән бергә
сәләтле балалар өчен гуманитар гимназия укучылары 
, Актанышның беренче һәм икенче санлы мәктәпләре 
, Пучы мәктәбененең 
иҗат коллективлары катнашты. Шулай ук балалар сәнгать мәктәбенең җыр һәм бию ансамбльләре үзләренең сәләтләрен күрсәтте.
Актанышның икенче санлы мәктәбендә "Лачыннар" вокаль ансамбле- районыбызның гына түгел, республикабыз горурлыгы. "Без-бергә!" хәйрия концертында төрле конкурсларда җиңгән егетләребез тамашачылар күңелен сәхнәгә аяк басу белән үк яулап алдылар. Патриотик рухтагы җырлары белән якыннарын махсус хәрби операциягә озаткан апа-абыйларының күңелен күтәреп, җиңүгә рухландырып җибәрделәр.
Актанышның икенче санлы мәктәбе директоры Илназ Шәрипов уку йортында махсус хәрби операциядәге егетләребезгә багышлап бик күп гуманитар ярдәм чаралары оештырылуын билгеләп үтте.
- Әлеге концертта безнең "Яңа буын" инструменталь ансамбле дә чыгыш ясады. Мәктәптә исә хәйрия йөзеннән ярминкәләр үткәрдек. Анда укучылар, аларның әти-әниләре актив катнашты. Ярминкәдә гуманитар ярдәм өчен махсус тартма куйган идек. Укытучылар да бу гамәлгә үз өлешләрен керттеләр. Укучылар махсус хәрби операциядәге егетләргә хатлар яздылар, рәсемнәр ясадылар,- ди Илназ Илшат улы.
Следите за самым важным и интересным в Telegram-каналеТатмедиа
Нет комментариев