Актанышның Алдынгылар җыенында геройларыбызның гаиләләренә «Батырлык» ордены тапшырдылар
Бүгенге хезмәтсөярләрне данлый торган Алдынгылар җыенында Украинада барган махсус хәрби операциядә күрсәткән батырлыклары өчен актанышлылар герой якташларыбызны искә алдык. Актаныш районы башлыгы Ленар Зарипов сугышчан бурычын үтәгәндә батырларча һәлак булган райондашларыбызның гаиләләренә «Батырлык ордены» тапшырды.
Уразай авылыннан Украинада барган махсус хәрби операциядә сугышчан бурычын үтәгәндә күрсәткән батырлыгы өчен Айзат Фәйзуллин үлгәннән соң «Батырлык ордены» белән бүләкләнде. Орден аның әтисе Вәсим Фәйзуллинга тапшырылды.
Актаныш авылында туып-үскән Нияз Фәрраховның «Батырлык ордены» әнисе Ираида Григорьевна, кызы Аида, дәү әнисе Роза Сергеева кабул итеп алды.
Актаныш районы ветеринария берләшмәсендә эшләгән Рамил Хөсәеновның «Батырлык ордены» хатыны Лениза һәм кызларына бирелде.
Следите за самым важным и интересным в Telegram-каналеТатмедиа
Нет комментариев