103 нче янгын сагы хезмәткәрләре районыбыз сулыкларына рейдка чыкты

             Кызганыч, әле су коену сезоны ачылмаса да, республикада суга батып үлүчеләр бар. Районыбызның 103 нче янгын сагы хезмәткәрләре җирлегебездә фаҗигаләрне булдырмау максатыннан елга буйларына рейдка чыкты. 

             Елга, күлләр буйларында ял итүчеләр шактый булып чыкты. 103 нче янгын сагы хезмәткәрләре очрашудан файдаланып суда үзеңне дөрес тоту кагыйдәләрен аңлаттылар. Әгәр көтелмәгән хәл килеп чыкса суга батучыны коткару, беренче медицина ярдәме күрсәтү ысулларын төшендерделәр. Бигрәк тә балаларга су буйларында шаяруның фаҗигаләргә китерергә мөмкин икәнлеге аңлатылды.