Актанышта тагын бер янгын чыгу очрагы теркәлде

Актаныш авылының 57 нче бистәсендә бүген тагын бер янгын чыкты.

Янгын сакчылыгы хезмәткәрләре һәм битараф булмаган авылдашларыбыз ярдәме белән шөкер, тиз арада сүндерелде.

Көннәр кызу тора. Сак булсагыз иде. Мондый көнне янгын чыгу сәбәпләре шактый. Бар дөнья кызганда ут кабар өчен әллә ни кирәкми. Мунча яксагыз артыгын кыздырмагыз. Караучысыз калдыру да куркыныч. Үзегезне һәм якыннарыгызны саклагыз.