БҮГЕН БАЛАЛАРГА ПУТИН АКЧАСЫ КҮЧТЕ

“Бу акчаны билгеләү гаилә кеременә бәйле түгел. Аны 1 сентябрьгә кадәр алты яше тулган балалар һәм Указ имзаланган көнгә – 2 июльгә кадәр әле 18е тулмаган балалар, шулай ук, физик мөмкинлекләре чикләнгән булу сәбәпле, мәктәптә укуны дәвам итүче 18-23 яшьлек затлар алачак”, – ди Пенсия фондының Татарстан буенча бүлеге идарәчесе Эдуард Вафин.

Гаризалар октябрь ахырына кадәр кабул ителә. Татарстанда барлыгы 563 мең укучы 10 мең сум акча алырга тиеш. Түләүләрнең гомуми күләме – 5,63 миллиард сумнан артыграк.
 Акча гаризада күрсәтелгән счетка күчерелә. Бу – саклык кенәгәсе счеты яки Россия территориясендә гамәлдә булып килүче теләсә кайсы түләү системасының банк картасы булырга мөмкин.