Сыерчык оялары ясадык

Актаныш муниципаль районының Аккуз төп гомуми белем бирү мәктәбендә «Сыерчык оясы» акциясе узды. Акциянең максаты:  укучыларда табигатькә карата сакчыл караш тәрбияләү. Бу акциядә мәктәп укучылары әтиләре белән бергәлектә катнаштылар. Кош оялары төрле формада һәм зурлыкта килеп чыкты, иң мөһиме сыерчыклар өчен уңайлы булуы шарт булып тора. Агачларга сыерчык оялары кую-борынгы халык традициясе. Янәшәдә яшәүче кошлар табигатькә бәяләп бетергесез ярдәм күрсәтеп кенә калмый, ә безне, туган авылыбыз халкын, үз җырлары белән сөендерә дә.