Актанышның яшь артистлары М. Җәлил исемендәге татар дәүләт академия опера һәм балет театрында сәяхәттә

 27нче март, Халыкара театр көнендә Т. Миңнуллин исемендәге Түбән Кама театры  балалар һәм яшүсмерләр арасында I республикакүләм "Заман кыңгыравы" театраль бәйгесен үткәргән иде. Әлеге конкурста Актаныш балалар сәнгать мәктәбенең театр бүлеге укучылары җиңү яулады. Яшь артистларыбыз М. Җәлил исемендәге татар дәүләт академия опера һәм балет театрына билетлар белән бүләкләнгән иделәр. Менә алар бүген, 10 ноябрь көнне Людвиг Минкусның "Дон Кихот" балетын тамаша кылдылар, Опера һәм балет театры белән танышып кайттылар. Шушы сәяхәтне оештыруда зур өлеш керткән җитәкчелеккә зур рәхмәтләребезне белдерәбез.