Быел Гамил Афзал премиясе Данил Салиховка тапшырылды (+ФОТОЛАР)

автор, 27 ноябрь 2017 - 13:41

1667

Гамил Афзал әсәрләре үзенчәлекле - сүз-сурәт дөньясы бай, үткен акыл-фикерле, аксакалларча зирәк һәм моңсу, иронияле, хәтта усал да... Ә кайчакта Хуҗа Насретдиндай мәзәкчел, шук, тапкыр, халыкчан. Гамил ага үзе юк инде, ләкин якты шигырьләре меңнәрнең күңелен нурландыра, күзләрен ача. Шагыйребезнең тууына бые 96 ел тулды. Ә 2011 елда, 21 майда,...

Быел Гамил Афзал премиясе Данил Салиховка тапшырылды (+ФОТОЛАР)

Гамил ага үзе юк инде, ләкин якты шигырьләре меңнәрнең күңелен нурландыра, күзләрен ача.

Шагыйребезнең тууына бые 96 ел тулды.

Ә 2011 елда, 21 майда, аның 90 еллыгы уңаеннан, Такталачык авылында иҗат фестивале булып узган иде.

Гамил Афзал премиясе ияләре:

2011 ел - "Минһаж маҗаралары" китабы өчен Туфан Миңнуллин;

2012 ел - "Көлмә кешедән" китабы өчен Фәнзаман Баттал;

2013 ел - "Дөя муены" китабы өчен Марат Әмирханов;

2014 ел - "Шобага: сатира һәм юмор" китабы өчен Әмиржан Моталлапов;

2015 ел - "Ком сәгате" китабы өчен Камил Кәримов.

2016 ел - "Юморкалар" китабы өчен Ләбиб Лерон

Премияне гамәлгә куючылар - Актаныш хакимияте һәм Татарстан Язучылар берлеге.

27 ноябрьдә район мәдәният йортында Гамил Афзал премиясенең җиденче иясе аталды. Бүләккә якташыбыз - татар драматургы, Татарстанның атказанган сәнгать эшлеклесе, Татарстан язучылар һәм Русия театр әһелләре берлеге әгъзасы Данил Салихов ия булды. Премияне аңа район башлыгы Фаил Камаев тапшырды.