Балалар Чаллыдагы 1,5 млрд сумга төзелгән өр-яңа гимназия бәдрәфләренә рәсем ясап бетергән

"Безнең гимназиягә өч ай гына. Бу өч айда без балаларга "Мәктәпне саклагыз!" дип 
 армый-талмый кабатлыйбыз. Яңа, җылы, матур һәм искиткеч итеп җиһазландырылган бинада уку һәркемгә дә насыйп булмый. Тик барыбер киресен күрәбез", - дип ачулана педагоглар.

Укытучыларның сүзләреннән аңлашылганча, ир-ат бәдрәфләрен күз яшьләрсез генә карап булмый. Стеналарга төсле ручка, карандашлар белән рәсемнәр ясалган, әллә нинди язулар бар. Педагоглар бу хакта гимназиянең социль челтәрдәге битенә ачынып язылган пост калдырган.  Ата-аналарга балалар белән әңгәмә үткәрергә һәм нәрсә эшләргә ярамаганлыгын аңлатырга кушылган.

Әлеге объектның бәясе-1,5 миллиард сумга якын. Учреждение республика акчасына сафка бастырылган.