90 яшь тулды

Иске Сәфәр авылында яшәүче тыл ветераны Нәҗибә Фарсый кызы Зыязетдиновага 14 гыйнвар көнне 90 яшь тулды. Аны олуг юбилее белән котларга район башкарма комитеты җитәкчесе урынбасары Илшат Шәрәпов, җирлек башлыгы Гөлнара Сәйфетдинова килделәр, илбашы Владимир Путинның тәбрикләү хаты һәм район хакимияте башлыгының истәлек бүләген тапшырдылар. Биш балага тормыш бүләк иткән ана юбилеена җыелган ул һәм кызлары, кияү-киленнәре, оныклары янәшәсендә котлаулар кабул итте.