«Татарстан Республикасы территориясендә дежур ПВО чаралары ярдәмендә Украинаның пилотсыз очу аппараты юк ителде», – диелә хәбәрдә.

«Челны Онлайн» телеграм-каналы бу вакыйганың видеосын таратты.

Беренче мәгълүматлар буенча, БПЛА Чаллы янындагы керамика заводы янында бәреп төшерелгән. Соңрак пилотсыз аппаратның Алабуга районының Олы Тарловка авылы тирәсендә юк ителүе турында хәбәр чыкты.

Моңа кадәр Казанның Авиатөзелеш районында сиреналар яңгыравы турында да мәгълүмат чыккан иде.

Бүген шулай ук «Казан» аэропортының пилотсыз очу аппаратлары һөҗүм итү куркынычы аркасында рейсларны кабул итмәве һәм җибәрмәве билгеле булды.

Росавиациядә хәбәр итүләренчә, һава суднолары очышларының иминлеген тәэмин итү өчен 17 апрельдә иртән Татарстан Республикасы һәм Түбән Новгород өлкәсендәге өч аэропортның эшенә вакытлыча чикләү кертелгән була.

«Казан» халыкара аэропортының матбугат хезмәте җитәкчесе Гадел Гатауллин «Татар-информ» агентлыгына хәбәр иткәнчә, бүген Омскидан Казанга юл тоткан самолетны Самарадагы запас аэродромга җибәргәннәр.

«Казан» аэропорты штат режимында эшли башлаган.

чыганак