Авыллар-байлыгыбыз рубрикасы буенча яңалыклар
-
Минтимер Шәймиевнең туган авылында беренче тапкыр «Авыл батыры» спорт марафоны үтте
Бүген бар дөньяга танылган татар авылы- Әнәк авылында — беренче Президентыбыз, хөрмәтле якташыбыз Минтимер Шәймиевнең туган җирендәге «Бабайда кунакта» ял паркында олы тантана булды. Биредә халыкны берләштерүче «Агро батыр — Авыл батыры» спорт марафоны узды. Искиткеч матур, зәвыкле һәм заманча паркта оештырылган бу чара халкыбыз өчен чын бәйрәмгә әйләнде.
-
Әнәктә “Авыл батыры”н билгелиләр
11 июль көнне Әнәк авылында зур вакыйга – “Авыл батыры” исеменә көч сынашу уздырылачак. Бәйгедә катнашырга теләк белдереп, инде 40 кеше теркәлгән! Алар көч, осталык һәм мәргәнлектә ярышачак: кип тәгәрәтү, төз ату һәм башка кызыклы бәйгеләр көтелә.
-
Такталачык җирлегендә изге эшләр дәвам итә
Такталачык җирлегендә җомга көнне тагын бер күркәм, изге гамәл башкарылды. Авылыбызның мәктәп артындагы зиратына яңа зират йорты кайтарылды. Әлеге йорт Казан шәһәреннән мөселман кардәшләребез тарафыннан эшләнеп, җыелып, зур тырышлык белән безгә озатылды.
-
Россия-туган йортыбыз!
Иске Сәфәр авылы мәдәният йорты мәйданында балалар өчен күңелле чара узды.
-
Бер очрашу-үзе бер гомер
Әнәк авылы Нефтяник урамында «Бер очрашу-үзе бер гомер» дип аталган якташлар очрашуы узды.
-
Ике күрше- Баян Дәүләтов урамында матурлык тудыручылар
Актанышның Баян Дәүләтов урамы буйлап узганда, күзләр үзеннән-үзе бер матурлыкка тартыла. Яз җитүгә, биредә яшәүче күршеләр — Гүзәлия Сабирова һәм Рәҗәп Сәлахова йортлары каршында чәчәкләр диңгезе хасил була. Җәй буе шаулап чәчәк аткан бу гүзәллек юлчыларга күтәренке кәеф бүләк итә, ә кышын әлеге ишегаллары әкияти кар сыннары белән сокландыра. Шулай итеп, уңган күршеләр үз куллары белән туган якка ямь өсти, кешеләрнең күңеленә нур сибә.
-
Сүнгән утларны кабызучы: Түбән Карачта яшәүче Тәлгать Арсланов турында очерк
Түбән Карач авылы... Кайчандыр гөрләп торган, җиде урамлы, өч мәчетле бу борынгы авыл бүген тынып калган. Әмма аның тарихы да, рухы да, хәтере дә әле һаман яши. Шушы туфракта туып-үскән, гомер юлын шәһәр белән авыл арасында йөреп, барыбер туган туфракка кайтып төпләнгән кешеләрнең язмышы аша без үткәннәрне ачык күзаллый алабыз. Шундый аяклы тарих- Тәлгать Кәшфразый улы Арсланов бүгенге әңгәмәдәшебез.
-
Сабантуйда иң төзек авыл җирлекләре аталды
Милли бәйрәмебез — Сабантуй тантанасында районыбызның көндәлек тормышын яхшыртуга, туган җиребезне яшелләндерүгә һәм төзекләндерүгә бәяләп бетергесез өлеш керткән авыл җирлекләрен хөрмәтләү гүзәл традицияләрнең берсе булып тора. Быел да бәйрәм мәйданында чисталык, тәртип һәм төзеклек буенча үрнәк булган җирлекләрне ачыклау максатыннан оештырылган «Иң төзек авыл җирлеге» бәйгесенә нәтиҗә ясалды.
-
Чисталык икеайлыгына йомгак: бүген авылларны тикшерәләр
Бүген Актаныш районы авыл җирлекләренең чисталыгын һәм бәйрәмнәргә әзерлеген тикшерү максатыннан махсус комиссия эшли. Комиссиягә Башкарма комитет җитәкчесенең эшләр идарәчесе Фәрит Заһертдинов җитәкчелек итә.
-
Балалар – безнең киләчәк: Әҗмәт авылында бәйрәм узды
1 июнь – Балаларны яклау көне уңаеннан Такталачык җирлегенең Әҗмәт авылы аланында балалар өчен күңелле бәйрәм чарасы үткәрелде. Бу хакта авыл җирлеге башлыгы Илнур Хуҗин хәбәр итә:
-
Такталачыкта Мансуровлар гаиләсе Балаларны яклау көненә багышланган Сабантуй бәйрәме оештырды
Балаларны яклау көне уңаеннан Такталачык авылында Мансуровлар гаиләсе зур бәйрәм чарасы уздырды.
-
Актаныш юлларын акка буялган агачлар бизи
Актаныш районына килеп керүгә, юл буйлап тезелеп киткән, төпләре акка буялган агачлар каршы ала. Мондый матурлык, әлбәттә, үзеннән-үзе генә барлыкка килми.
-
Авылны ямьләндерәләр
Такталачык авылы мәдәният хезмәткәрләре авылны төзекләндерүдә, аны чиста һәм матур тотуда зур тырышлык куя. Аларның көндәлек хезмәте нәтиҗәсендә авылның йөзе елдан-ел күркәмләнә, яшәү өчен тагын да уңайлырак мохит тудырыла. Бүген дә, эссе кояш астында мәдәният йорты хезмәткәрләре ишегалдындагы үләннәрне чабып, җыештырып куйдылар. Аларның фидакарь хезмәте нәтиҗәсендә территория күзгә күренеп чистарып, тәртипкә китерелде, авылның гомуми күренеше тагын да ямьләнде.
-
Такталачык авыл җирлеге: үзара салым – үсеш нигезе
Бүгенге көндә Актаныш районы авыл җирлекләрендә төзекләндерү эшләре актив дәвам итә. Елның иң кызу чорында – көннәр озын һәм аяз торган вакытта үзара салым акчалары хисабына бик күп проектлар тормышка ашырыла. Такталачык авылында, мәсәлән, Гамил Афзал урамы төзекләндерелә, авылның үзәк юлы тигезләп, кулланылган асфальт вагы түшәлә.
-
Такталачык авылы якташыбыз, Халык шагыйре Гамил Афзалның юбилеена әзерләнә
Бүген туган жиребез Актаныш районы Такталачык авылында ял көне – якшәмбе иртәсеннән үк халык зур өмәгә чыкты.
