Ә сез беләсезме?
Дару үләннәрен киптерү серләре
Шифалы үләннәрне күпләп җыючы райондашларыбыз үзләренең киңәшләрен бирде. Ә без аларны үз чиратыбызда блокнотларга язып алган идек.
- Кибәргә куелган үләннәрне кояшта тотарга ярамый. Аны бераз үтәли җилле урында, саф һавада киптерергә кирәк. Үлән киптерү өчен иң яхшы урын – чорма.
- Ромашка, мәтрүшкәләрне, каен яфрагын бәйләм итеп җыеп элеп киптерсәң яхшы.
- Үлән тамырлары кояшта яхшы кибә.
- Бака яфрагы белән үги ана яфрагын кәгазьгә берәмләп куеп киптерергә кирәк. Өсте-өстенә салынса, алар кибә алмый, каралып чери башлаячак.
- Бер-ике көннән аны икенче ягын әйләндереп тә киптерәсе була.
- Һәр төр үләнне аерым киптерергә кирәк. Киптергәч, аның кайсы үлән икәнлеген, кайчан җыелганлыгын язып куярга да онытмагыз.
- Кипкән үлән озаклап тузан җыеп ятарга да тиеш түгел. Шуңа күрә аны кибүгә үк урнаштырырга кирәк.
Следите за самым важным и интересным в Telegram-каналеТатмедиа
Нет комментариев