Актанышлыларны май аенда ике кыска эш атнасы көтә

Бәйрәмнәр сәбәпле, майда беренче ике эш атнасы кыскартылачак, дип искә төшерә Россия Хезмәт һәм социаль яклау министрлыгы.

«Ай 29 апрельдән 1 майга кадәр озын яллардан башлана. Шул сәбәпле, беренче атнада 2 майдан 5 майга кадәр дүрт эш көне булачак. 6 майдан 9 майга кадәр - ял көннәре, ә аннары яңадан кыска эш атнасы, анда 10 майдан 12 майга кадәр эшлисе була», диелә ведомствоның Телеграм-каналында.

Россия Хезмәт һәм социаль яклау министрлыгы 1,8 һәм 9 майда өстәмә яллар көтелүен әйтте.

Искәртик, бу эш атнасы Татарстанда кыска булачак, чөнки иртәгә, 21 апрельдә, Ураза бәйрәме билгеләп үтелә. Татарстан Рәисе Рөстәм Миңнеханов карары буенча бу көн республикада ял көне.