Актаныш

Актаныш районы

16+
2024 - Гаилә елы
Сез сораган идегез

Сезне тыныч атна көтә: 27 март – 3 апрельгә йолдызнамә

Сезгә яңа тәэсирләр кирәк. Тормышыгызны үзгәртү үзегездән тора.

Кучкар (21 март-20 апрель)
 Сез бары тик үзегегә генә өметләнә аласыз. Тирә-юньдәгеләр сезнең сүзләрне тыңламаска һәм эгоизм күрсәтергә мөмкин. Тынычлык һәм салкынканлылык саклагыз. Киләчәктә хәл яхшы якка үзгәрәчәк. 

Үгезбозау (21 апрель – 20 май)
Кызыклы мәгълүмат эзләячәксез. Моның өчен сезгә күптән күрешмәгән кешеләр белән очрашырга туры килер. Яңа эш белән мәшгүль булырга мөмкинсез. Сәламәтлекне ныгыту, төрле процедуралар өчен уңайлы вакыт.

 Игезәкләр (21 май – 21 июнь)
 Атна көтелмәгән-уйламаганча узачак. Сезгә тыныч кына эш урынында утырырга һәм дилбегәне йомшартырга туры килмәстер кебек. Җитәкчеләр сезне хуплар. Сезгә бик кадерле булган дустыгызга ярдәмегез кирәк булачак.

 Кысла (22 июнь -22 июль)
 Тормыш дәртегезнең бераз төшүе күзәтелер. Шуңа күрә алдан ук сәламәтлегегезне яхшырту турында кайгыртыгыз, гел уңай фикердә генә булырга тырышыгыз. Җитәкчедән мактау һәм хезмәт хакына өстәмә көтә.

Арыслан (23 июль – 23 август)

Оялып тормагыз, үзегезне күрсәтегез. Ярдәм сорап тәҗрибәлерәк хезмәткәрләрегезгә мөрәҗәгать итүдән дә тартынмагыз. Сөенечле хәбәр, финанс ярдәм алырсыз. Уңыш артыннан куып, ял турында да онытмагыз.

Кыз (24 август -23 сентябрь)
Кичтән яки иртән көн буе эшлисе эшләрегезнең исемлеген төзеп куегыз. Бу сезгә иң мөһим нәрсә турында фикерегезне тупларга, онытмаска булышыр. Күптән чигереп килгән эшегезне ахырына җиткерегез.


Үлчәү (24 сентябрь -23 октябрь)
 Сезне сөендерә торган вакыйгалар көтә. Эшегезгә аралашу рәхәт кеше килергә мөмкин. Җитәкченең сезгә мөнәсәбәте дустанә һәм гадел булачак. Болар барысы да кәефегездә чагылыр һәм тормыш дәртегез артыр.

Реклама

 Чаян (24 октябрь -22 ноябрь)
 Үзегезнең мәнфәгатьләрне генә кайгыртуыгыз коллегалар һәм туганнарыгызда ризасызлык тудырырга мөмкин. Башкаларның да хисләрен инкарь итмәгез, аларга булышыгыз. Табигатьтә ял итү күңелегезне сөенеч белән тутырыр.

Укчы (23 ноябрь – 21 декабрь)
 Нинди дә булса мәсьәләне хәл итәр өчен туганнарыгызга сезнең булышу кирәк булыр. Сез үзегез дә якыннарыгызның ярдәменә ышана аласыз. Башыгызны проблемалардан азат итим дисәгез, онытылып ял итегез. 

Кәҗәмөгез (22 декабрь -20 гыйнвар)
 Сезне тыныч атна көтә. Мөгаен, сез ялда булырсыз. Әгәр дә эшлисез икән, эшегез җырлап барачак. Дусларыгыз белән очрашу сезгә оптимизм һәм шатлык бирер. Сәламәтлегегезне кайгыртырга онытмагыз.

Сукояр (21 гыйнвар – 18 февраль )
 Ниһаять үзегез белән белән шөгыльләнергә вакытыгыз табылды. Бу - бик мөһим. Вакытыгызны юкка уздырмаска, эчке тавышыгызны ишетергә тырышыгыз. 

Балык (19 февраль – 20 март)
 Сезгә яңа тәэсирләр кирәк. Тормышыгызны үзгәртү үзегездән тора. Гаиләгез белән кызыклы сәяхәткә бара аласыз. Ә, бәлки, сез сәяхәттәдер һәм вакытыгызны рәхәт уздырасыздыр да инде.

Чыганак

 

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев