Татарстанда бушлай санаторийда дәвалану кемнәргә кагыла?

Санаторийда түләүсез дәвалану медицина күрсәткечләре нигезендә федераль социаль хезмәтләр җыелмасы кысаларында күрсәтелә.

Кемнәр бушлай санаторий юлламасына хокуклы

Санаторийга бушлай юллама алу хокукына түбәндәге категория гражданнар ия:

• хәрби хәрәкәтләр чорында инвалидлык алган кешеләр;

• Бөек Ватан сугышында катнашучылар;

• Бөек Ватан сугышы елларында хәрби объектларда хезмәт иткән яки эшләгән гражданнар;

• сугыш хәрәкәтләре һәм локаль конфликтлар ветераннары;

•  Ленинград блокадасында яшәүче» һәм «Севастополь камалышында яшәүче» таныклыгына ия булган затлар;

• хезмәт бурычларын үтәгәндә һәлак булган хәрби хезмәткәрләрнең һәм сугышта катнашучыларның якын туганнары;

• инвалидлар, шул исәптән сәламәтлек мөмкинлекләре чикләнгән балигъ булмаган балалар;

• Чернобыль АЭСындагы авария нәтиҗәсендә, шулай ук Семипалатинск полигонында үткәрелгән атом сынаулары аркасында зыян күргән кешеләр.

Озата баручы зат өчен юллама

Әгәр санаторий дәвалануы 18 яшькә кадәрге инвалид балага яисә I төркем инвалидлыгы булган гражданга кирәк булса, аны озата баручы затка да санаторийда бушлай тору каралган.