Бүген «ВКОНТАКТЕ» социаль челтәренең туган көне!

Бүген интернеттан кулланучылар үз тормышларын социаль челтәрләрдә аралашмыйча күз алдына китерә дә алмый. Россиядә иң популяр социаль челтәр Павел Дуровның «ВКонтакте» платформасы. Ул VK экосистемасы үзәге , аңа шулай ук түләү системасы, азык-төлек китерү сервисы, такси, VK Combo язылу, самокатлар арендалау, Марусяның тавыш ярдәмчесе һәм башка күп кенә проектлар керә.

Платформа домены 2006 елның 1 октябрендә теркәлә, ә 10 октябрьдә Интернетта сайтның беренче версиясе барлыкка килә. Бу дата «ВКонтакте» социаль челтәренең туган көне булып санала да инде.

Бүген «ВКонтакте» социаль челтәренең төрле яшьтәге, социаль хәлдәге 600 миллионнан артык кулланучысы һәм ул дөньяның 89 телендә бар. Алар арасында хәтта каннада кебек экзотик телләр дә бар – Көньяк-көнбатыш Һиндстанда яшәүчеләр куллана торган дравидия теле шундыйларның берсе. Платформаның аудиториясе, язылучыларның көндәлек активлыгы кебек үк, ел саен арта.

Павел Дуровның "баласы" булган контент битләрендә бастырылучы 496 млн. хәбәр саны буенча Россиянең социаль челтәрләре арасында лидер булып тора. Шул ук вакытта 2013 елда барлыкка килгән VK мобиль кушымтасының популярлыгы да арта.

ВК аралашу платформасы гына түгел, ә дуслык, иҗат һәм үз-үзеңне дөньяга таныту өчен зур киңлек!

Бүген платформаның үзен генә түгел, аңа катнашы булган һәркемне: "Актаныш-информ"га язылган барлык подписчикларыбызны, өлкәннәрне, урта яшьтәге дусларыбызны, балаларны, яшьләрне котлыйбыз! Сезнең һәр постыгыз, фотографиягез һәм хәбәрегез шатлык һәм илһам китерсен!