Актаныш волейболчылары Рушат Гыйльмуллин турнирында җиңде

Ел саен Актанышта сигез тапкыр Татарстан чемпионы Рушат Гыйльмуллин истәлегенә аның туган көнендә төбәкара волейбол турниры уза. Быелгы турнир аеруча истәлекле, әгәр исән булса, Рушат Рәдиф улына 2024 елда 50 яшь тулган булыр иде. 

Татарстан һәм Башкортостанның төрле төбәкләреннән килгән спортчыларны турнирны ачу тантанасында район башлыгы урынбасары Илшат Габдулхаев, район Советы Аппараты җитәкчесе Илшат Вахитов, Рушат Гыйльмуллинның якыннары, дуслары сәламләде.

Актаныш волейболчылары данлыклы якташыбызның рухын шатландырып, турнирда 1-3 нче урыннарны яуладылар. 

Спортчыларыбызны чын күңелдән уңышлары белән котлыйбыз!