«Батыр» спорт мәктәбе йөзүчеләре — «Кышкы уеннар» призёрлары!

Ярышларда барлыгы 554 яшь йөзүче көч сынашты. «Батыр» спорт мәктәбе вәкилләре лаеклы чыгыш ясап, призлы урыннар яуладылар.

Безнең призёрлар:

• Шамил Һадиев — 100 метрга арка белән йөзү, I урын (2012 елда туган малайлар арасында);

• Данияр Ярмиев — 100 метрга арка белән йөзү, II урын (2012 елда туган малайлар арасында);

• Румия Шәрипова — 100 метрга брасс, III урын (2013 елда туган кызлар арасында);

• Дамир Шакиров — 100 метрга ирекле стиль, III урын (2013 елда туган малайлар арасында).

Спортчыларыбызны һәм аларның тренерларын югары нәтиҗәләре белән ихлас котлыйбыз! Алга таба да уңышлар, яңа җиңүләр телибез.